ՔԻՄԻԱՅԻՑ Flash Mob Սեպտեմբեր 2017 Ավագ դպրոցի սովորողների համար
ԱՊԱԿԻ, ԲՅՈՒՐԵՂԱՊԱԿԻ
- Գունավոր ապակի ստանալու համար դրա մեջ ավելացվում է
որոշ մետաղների օքսիդներ: Պատասխանեք, խնդրեմ, ի՞նչ գույն են ապակուն տալիս կոբալտի (II), երկաթի (III), մանգանի (IV), քրոմի (III) և պղնձի (II) օքսիդները, արծաթը, ոսկին:
- Սովորական ապակին (պատուհանի) պատրաստում են սպիտակ ավազի, կրաքարի և սոդայի խառնուրդը հատուկ վառարաններում 1500 OC հալելիս.
ա) ինչու՞ է խառնուրդը հալվում այդքան բարձր ջերմաստիճանում,
բ) գրեք ընթացող ռեակցիաների հավասարումները :
- Ապակին համարվում է ամորֆ նյութ, այլ կերպ ասում են «գերսառած հեղուկ», ինչու՞ :
- Ո՞ր նյութերն են համարվում լուծվող ապակի, որտե՞ղ են կիրառում, ինչպե՞ս են ստանում դրանք, գրեք համապատասխան ռեակցիաների հավասարումները:
- Գերմաքուր ապակուց պատրաստում են օպտիկական մանրաթելեր, որտե՞ղ են կիրառվում այդ մանրաթելերը:
- «Լեռնային բյուրեղապակին» հիմնականում բաղկացած է ոչ մետաղներից մեկի բարձրագույն օքսիդից: Նկարագրեք այդ օքսիդի ֆիզիկական և քիմիական հատկությունները:
- Բյուրեղապակու բաղադրության մեջ կալցիումի օքսիդը փոխարինում են կապարի (II օքսիդով.
ա) ո՞ր հատկության շնորհիվ է օգտագործվում կապարի օքսիդը,
բ) ինչպիսի՞ իրեր գիտեք, որոնք պատրաստված են բյուրեղապակուց,
գ) բյուրեղապակու բաղադրությունը արտահայտեք երեք օքսիդների միջոցով, եթե այն պարունակում է 7,13% նատրիում, 32,09% կապար և 26,05% սիլիցիում ըստ զանգվածային բաժինների,
դ) հաշվեք նաև, թե որքա՞ն սոդա, կապարի (II) օքսիդ և կվարցային ավազ պետք է վերցնել 100 կգ բյուրեղապակի ձուլելու համար:
Առաջադրանքները Ձեզ համար կազմեց` Վեներա Հայկի Խառատյանը